La fracziun da Scuol spordscha divers implants per sport, recreaziun e temp liber. Quels han per part dabsögn da renovaziuns. La suprastanza cumünala voul – avant co iniziar masüras da sanaziun in singuls implants – far examinar l'idea d'üna concepziun generala per ün svilup sün tuot ils areals – resguardond la documainta da la planisaziun, las ideas fingià trattadas e las prümas conclusiuns. Il böt da quist pass es ün program d'infrastructura cumplessiv chi promouva il cumün sco lö da viver, sco spazi economic e sco regiun da vacanzas.